Explicación: que está a acontecerlle aos aneis de Saturno? Non moita cousa, só unha lúa pequena a facer ondas. A lúa de 8 quilómetros de tamaño é Daphnis e está a crear ondas na fenda de Keeler dos aneis de Saturno empregando só a gravidade; mentres emerxe e abaixa, dentro e fóra. A imaxe de hoxe é unha versión de amplo campo dunha fotografía publicada previamente tirada o mes pasado pola nave espacial Cassini durante unha das súas novas órbitas do Gran Final. Daphnis pode ollarse no extremo dereito, amosando cristas amoreadas procedentes probablemente das partículas do anel. Daphnis foi descuberta en imaxes da Cassini en 2005 e ergueu moreas de partículas do anel tan alto (durante o equinoccio de Saturno cando o plano de aneis apunta directamente ao Sol) que proxectaban sombras destacadas.
