Explicación: mergullada preto dos límites exteriores dos aneis de Saturno, o 16 de xaneiro a nave espacial Cassini capturou esta imaxe aínda máis achegada de Dafne. Cuns 8 quilómetros de diámetro e orbitando dentro da fenda de Keeler do sistema de aneis brillante, a pequena lúa está facendo ondas. O oco máis externo, de 42 quilómetros de anchura, aparece de esguello na imaxe polo ángulo do fotografado da Cassini. As ondas, que aparecen pola influencia da gravidade feble da pequena lúa cando cruza a imaxe de esquerda á dereita, fórmanse no material do anel no bordo do oco. Pode verse un ronsel xusto por tras de Dafne, un rastro feble parecido a unha onda de material do anel. Tamén poden ollarse detalles destacados de Dafne, como unha crista estreita ao redor do seu ecuador, probablemente un amoreamento de partículas do anel.
Charla: APOD da NASA 2016, un ano de astronomía en galego. Sábado 21 de xaneiro de 2017 en Ourense, no Ateneo (Av. Habana, 25), ás 20:00 horas. Muncyt da Coruña, xoves 16 de febreiro ás 19:30.
