Explicación: Este campo de vista telescópico cheo de cor, unha instantánea cósmica do 19 de maio, abarca máis ou menos 1 grao ou 2 lúas cheas do ceo. As estrelas no primeiro plano da Vía Láctea, con puntas, espállanse cara a constelación real de Cepheus mentres que as estrelas do cúmulo aberto NGC 6939 xúntanse a uns 5 milleiros de anos luz de distancia preto da parte superior do cadro. A galaxia espiral NGC 6946 está cara a parte inferior esquerda a case 22 millóns de anos luz de distancia. As liñas vermellas axudan a identificar a supernova SN 2017eaw, recén descuberta, a explosión mortal dunha estrela masiva aniñada nos brazos espirais azulados da galaxia.
