Explicación: as nubes de po interstellar e as nebulosas brillantes abundan na fértil constelación de Orión. Unha das máis brillantes, M78, está centrada neste amplo campo de vista cheo de cor que cobre unha área ao norte do cinto de Orión. A unha distancia duns 1 500 anos luz, a rebulosa de reflexión azulada ten uns 5 anos luz de diámetro. A súa cor débese ao po que reflicte de xeito preferente a luz azul de estrelas novs e quentes. A nebulosa de reflexión NGC 2071 está xusto á esquerda de M78. Á dereita, cunha aparencia moito máis compacta, a intrigante nebulosa de McNeil é unha nebulosa variable recoñecida recentemente e asociada cunha estrela de tipo solar noviña. As manchas vermellas máis escuras de emisión dos obxectos Herbig-Haro, chorros potentes procedentes de estrelas en proceso de formación, saliéntase contra os corredores escuros de po. A exposición tamén fai relucir o brillo máis tenue que ocupa toda a rexión debido ao gas hidróxeno atómico.
Ceos Galegos, unha imaxe diaria con texto didáctico e un calendario astronómico xa está no aire.
