Explicación: a semana pasada un automóbil orbitou a Terra. O vehículo, creado por humanos e robots na Terra, foi lanzado pola compañía SpaceX para demostrar a capacidade do seu foguete Falcon Heavy para situar unha nave espacial no exterior no Sistema Solar. Fabricado á mantenta para ser extravagante, pensouse que o icónico coche era un obxecto demostrativo mellor ca bloques de formigón. Un manequí vestido cun traxe espacial, alcumado coma Starman ou home das estrelas, senta no asento do condutor. A imaxe publicada é un fotograma dun vídeo tirado por unha das tres cámaras montadas no coche. Estas cámaras, conectadas á batería do automóbil, ficaron sen potencia. O coche, acoplado a un propulsor da segunda etapa, deixou axiña a órbita da Terra e orbitará ao Sol entre a Terra e o cinto de asteroides para sempre: quizais ata os milleiros de millóns de anos desde hoxe ata que o Sol se expanda nunha xigante vermella. De reperarse algunha vez, o que quede do coche pode converterse nunha xanela única ás tecnoloxía desenolvidas na Terra entre os séculos XX e o comezo do XXI.
