Mércores 21 Febreiro 2024

Aurora fénix sobre Islandia

Créditos a imaxe e copyright: Hallgrimur P. Helgason. Anotacións flotantes: Judy Schmidt
Créditos a imaxe e copyright: Hallgrimur P. Helgason. Anotacións flotantes: Judy Schmidt

Explicación: xa marcharan a casa todos os observadores de auroras. Polas 3:30 am en Islandia, nunha noite queda do setembro pasado, moitas das auroras nocturnas xa morreran. Aínda que de súpeto, un novo estoupido de partículas fluíu desde o espazo, alumeando de novo a atmosfera da Terra. Nese momento, de xeito abraiante e pareidolia mediante, crearon unha forma asombrosa con reminiscencias dun fénix xigante. Co equipamento fotográfico a punto tiráronse dúas imaxes rápidas do ceo, seguidas de inmediato por unha terceira da paisaxe. A montaña do fondo é Helgafell, mentres que o río pequeno do primeiro plano chámase Kaldá, ámbolos dous a uns 30 quilómetros ao norte da capital islandesa de Reykjavik. Os observadores celestes estacionais notarán que xusto por riba da montaña, cara a esquerda, está a constelación de Orión, mentres que oPcúmulo aberto das Pléiades tamén se pode ver xusto por riba do centro do cadro. A nova aurora durou só un minuto para non voltar nunca, posiblemente despedida coma unha aberración engalanada, se non fose capturada no mosaico publicado de imaxes compostas dixitalmente.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Envía o teu nome a Xúpiter nunha misión espacial da NASA

Dende a axencia lanzarán unha botella que leva tamén un poema da escritora estadounidense Ada Limón

O galego aos mandos da dinámica orbital da NASA: “O espazo parecíame ciencia ficción”

Andrés Dono entrou na administración espacial americana con 24 anos para facer unhas prácticas. Unha década despois lidera o equipo que deseña a traxectoria dos satélites

Begoña Vila: “Atoparemos probabilidades de vida noutro planeta”

Co gallo do décimo aniversario de Gciencia, a astrofísica da NASA analiza a divulgación dos achados cósmicos e a busca de vida intelixente

As auroras boreais veranse en Galicia nos vindeiros meses

Rexistráronse tres episodios en apenas sete meses, mais as condicións atmosféricas impediron gozar do espectáculo