Explicación: quen garda o norte? A fotografía publicada tirouse o marzo pasado na Laponia finlandesa, onde a meteoroloxía ofrece temperaturas por baixo da conxelación e neve a esgalla. Ás veces aparecen paisaxes surrealistas, nos que sentinelas brancas de apariencia extraterrestre semellan patrullar a paisaxe. Aínda que, en realidade, os extraterrestres son árbores cubertas de neve e a casoupa vermella que parece gardalas é unha casa auxiliar. Afastado na distancia, detrás desta vista terrestre tan rara, hai un fermoso ceo nocturno que inclúe unha aurora verde, estrelas brillantes e ronseis de satélites en órbita. Por suposto, na primavera as árbores desconxélanse e Laponia ten un aspecto moi diferente.
