Arp240: unha ponte entre galaxias espirais

Créditos da imaxe: NASA, ESA, Hubble Space Telescope; procesado e copyright: Chris Kotsiopoulos
Créditos da imaxe: NASA, ESA, Hubble Space Telescope; procesado e copyright: Chris Kotsiopoulos

Explicación: por que hai unha ponte entre estas dúas galaxias espirais? A ponte, feita de gas e estrelas, fornece unha forte evidencia de que estes dous sistemas estelares inmensos pasaron moi preto un do outro e experimentaron mareas violentas inducidas pola gravitación mutua. Coñecidas xuntas coma Arp 240 pero individualmente coma NGC 5257 e NGC 5258, as simulacións computacionais e as idades dos cúmulos estelares indican que as dúas galaxias completaron un primeiro paso achegado entre elas hai só uns 250 millóns de anos. As mareas gravitacionais non só empurraron materia cara fóra, comprimiron o gas e así provocaron a formación estelar nas dúas galaxias e a estraña ponte. Pénsase que as fusións galácticas son comúns, onde Arp 240 representa unha instantánea dunha breve etapa neste proceso inevitable. A parellaestá a unha distancia duns 300 millóns de anos luz e poden ollarse cun telescopio pequeno cara a constelación de Virgo. Ao final, os encontros achegados repetidos deberían resultar nunha fusión e coa aparición dunha soa galaxia combinada.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

O canto dos xibardos, entre os sons da Terra da sonda Voyager 1 da NASA

A sonda alcanza o 18 de novembro de 2026 unha distancia dun día luz e transporta no seu Disco de Ouro unha selección de sons e imaxes representativas do planeta

Que viu o telescopio Hubble o día que naciches? Descúbreo nesta ferramenta da NASA

A axencia espacial estadounidense actualiza a aplicación que permite consultar cinco imaxes en cada día do ano e compartilas en redes sociais

Como viviron os astronautas de Artemis II? A NASA revela centos de imaxes e audios inéditos

Trátase do primeiro conxunto de información planetaria recompilada principalmente por seres humanos en máis de medio século

Queres ter un anaco do cosmos? A NASA permite adoptar un píxel do Grace Roman

A iniciativa permite obter unha pequena parte das primeiras imaxes do observatorio espacial, que ten un campo de visión cen veces maior ca o do telescopio Hubble