Explicación: a nebulosa Trífida, tamén coñecida coma Messier 20, é sinxela de atopar cun telescopio pequeno, unha parada ben coñecida da constelación, rica en nebulosas, de Sagittarius. Pero onde as imaxes de luz visible amosan á nebulosa dividida en tres parte por escuros corredores de po, esta imaxe en penetrantes infravermellos desvela filamentos de nubes brillantes de po e estrelas recén nadas. A espectacular imaxe en cores falsas é cortesía do Telescopio Espacial Spitzer. Os astrónomos empregaron os datos da imaxe en infravermellos para contar as estrelas recén nadas e os embrións que, doutro xeito, poden ficar ocultas no interior das nubes de gas e po natal desta intrigantegardería estelar. Tal e como se ve aquí, a Trífica ten uns 30 anos luz de diámetro e atópase a 5.500 anos luz de distancia.
A Trífida infravermella
