Explicación: parecería tan adorable a nebulosa Roseta con calquera outro nome? A denominación de NGC 2237 do eslamiado New General Catalog non semella diminuír a aparencia desta floreada nebulosa de emisión. No interior da nebulosa hai un cúmulo estelar de estrelas novas e brillantes denominado NGC 2244. Estas estrelas formáronse hai uns catro millóns de anos a partir de material nebular e os seus ventos estelares están a aclarar un burato no centro da nebulosa, aillado por unha capa de po e gas quentes. A luz ultravioleta procedente de estrelas quentes do cúmulo fai brillar a nebulosa que a arrodea. A nebulosa Roseta abarca uns 100 anos luz, atópase a uns 5000 anos luz de distancia e pode ollarse cun pequeno telescopio cara á constelación do Unicornio (Monoceros).
