Explicación: ao sur de Antares, na cola da constelación rica en nebulosas Escorpión, atópase a nebulosa de emisión IC 4628. As estrelas achegadas, masivas e quentes, con millóns de anos de idade, irradian a nebulosa con luz ultravioleta invisible, arrincando os electróns dos átomos. Ao final, os electróns recombínanse cos átomos para producir o visible brillo nebular, dominado pola emisión vermella do hidróxeno. A unha distancia estimada de 6.000 anos luz, a rexión amosada ten uns 250 anos luz de diámetro abarcando unha área equivalente no ceo a catro lúas cheas. A nebulosa tamén está catalogada coma Gum 56 polo astrónomo australiano Colin Stanley Gum, pero os astrónomos amantes do marisco poderían coñecer esta nube cósmica como a nebulosa da Gamba.
