Analema na Antártida

Explicación: volta o Sol ao mesmo lugar do ceo cada día? Non. Unha resposta mellor e máis visual para esa pregunta é un analema, a posición do Sol no ceo todos os días do ano, se o observamos dende o mesmo punto á mesma hora. Así que esta é unha imaxe composta que se tirou desde o mesmo lugar á mesma hora durante o curso dun ano. O analema semanal publicado tirouse a pesares das temperaturas frías e os fortes ventos preto da Estación Concordia da Antártida. A posición do Sol foi capturada ás 16:00 en moitos días na imaxe composta dixitalmente. A razón de que a imaxe só amose o Sol desde setembro a marzo débese a que o Sol estaba por baixo do horizonte en gran parte durante o resto do ano. De feito, dende o recente equinoccio de outono, o Sol amence no polo Sur despois de seis meses de ausencia e non se porá de novo outra vez ata o vindeiro equinoccio de marzo, descubrindo grandes efectos atmosféricos de refracción. E, á inversa, o Sol vén de poñerse no polo Norte despois de medio ano de luz diurna continua.