Cartel de Explícoche Matemáticas 2.0. Imaxe: USC.

Cartel de Explícoche Matemáticas 2.0. Imaxe: USC.

‘Explícoche Matemáticas 2.0’, un concurso de vídeos para promover o uso do galego

O certame, organizado pola USC, está aberto a estudantes de ESO, Bacharelato, grao, mestrado e doutoramento de toda España

A Facultade de Matemáticas da USC, co apoio do Servizo de Normalización Lingüística da universidade, convocan a sétima edición do concurso Explícoche Matemáticas 2.0, un certame que ten por obxectivo principal promover a utilización do galego como medio de transmisión das matemáticas.

O concurso baséase na elaboración de vídeos, que poden durar entre 1:30 e 2:30 minutos, nos que os participantes aborden un tema relacionado coas matemáticas. Pode enfocarse desde un punto de vista formal (definición dun concepto, un teorema, idea intuitiva e/ou aplicación) ou ben cun carácter divulgador, reflectindo como se utilizan as matemáticas na vida cotiá, na cultura, na arte ou na sociedade. Para isto, poderán usar calquera recurso multimedia, audiovisual ou artístico.

O concurso está aberto ao alumnado das universidades públicas de todo o Estado español de todas as titulacións de grao, mestrado e doutoramento, así como de 3º e 4º da ESO e de bacharelato dos centros de educación secundaria de Galicia e comunidades limítrofes en grupos cun máximo de tres estudantes dirixidos por un profesor ou profesora.

As propostas deberán subirse a unha canle de Youtube. E posteriormente, deberán enviar o URL, os datos de contacto, informe e autorizacións azmatdeca@usc.es e ao enderezo físico do Decanato da Facultade de Matemáticas, que se pode consultar nesta ligazón. O prazo de recepción de propostas finaliza o 6 de abril.

Haberá catro premios: un para o alumnado de ESO e Bacharelato (categoría A), dous para a categoría B (un para graos e outro para mestrado e doutoramento), dotados cada un deles con 200 euros; e por outra banda, outro recoñecemento para o vídeo mellor valorado polos internautas, que levará 100 euros de premio.

As bases ao completo poden consultarse nesta ligazón.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.