Regreso no mencer

Explicación: o xoves, pouco despois do mencer local sobre a Asia central, esta nave espacial Soyuz flotaba sobre un mar de nubes douradas durante o seu descenso en paracaídas ao traverso da densa atmosfera da Terra. A bordo estaban o comandante Barry Wilmore da NASA e Alexander Samokutyaev e Elena Serova da Axencia Espacial da Federación Rusa (Roscosmos). A aterraxe foi aproximadamente ás 10:07 p.m. EDT (8:07 a.m. do 12 de marzo, na hora casaca) ao surleste de Zhezkazgan, (Casaquistán). Os tres estaban a voltar desde a órbita baixa da Terra, despois de case seis meses na Estación Espacial Internacional coma membros das tripulacións das expedicións 41 e 42.