Explicacion: a fase da Lúa chea de decembro ocorreu preto do perixeo, o punto máis achegado na súa órbita ao redor do noso fermoso planeta. O disco lunar completamente alumeado, grande e brillante, ponse sobre as agrestes montañas nesta paisaxe da mañanciña desde Turín, Italia. Captada xusto antes do mencer no horizonte oposto, a luz solar esparexida preto do bordo da sombra da Terra proporciona o fermoso brillo avermellado dos cumios alpinos. Os outeiros do primeiro plano están aínda en sombra. Pero a luz do sol espallada alumea xusto a cúpula e as torres da histórica basílica de turinesa de Superga nun cume preto da parte inferior dereita desta foto con teleobxectivo.
Xa tes o teu Ceos Galegos – calendario astronómico 2018?