A Axencia Espacial Europea (ESA) difundiu este espectacular vídeo en ultra alta definición da Terra vista dende a Estación Espacial Internacional (EEI). Estas imaxes foron gravadas polo astronauta alemán Alexander Gerst cunha cámara a unha resolución de 4.256 por 2.832 pixeis. No vídeo están reproducidas 25 veces máis rápido do que as puido percibir o cosmonauta.
Esas fotografías de alta calidade están enlazadas cunha cadencia de 25 tomas por segundo dando lugar a un vídeo nunha definición coñecida como Ultra HD ou 4 K.
No traballo pódense considerar auroras boreais, cidades iluminadas de noite ou o movemento dos corpos celestes dende a EEI. A gravación permite tamén ver como a cápsula orbital Cygnus se desprende do laboratorio espacial para regresar á Terra, informa a axencia SINC.
