Únete á nosa canle de Whatsapp
Un grupo de 10 persoas chega a un bufete de autoservizo para comer. Supoñamos que un deles está infectado polo SARS-CoV-2, ou calquera outro patóxeno con capacidade de contaxiar a outras persoas. Que vai pasar?
A televisión xaponesa NHK expuxo a situación nunha peza informativa na que se fai patente o risco deste tipo de instalacións en tempos de coronavirus. E, deste xeito, pon de manifesto a necesidade de seguir as precisas medidas de hixiene para evitar a propagación dun virus que demostrou unha gran capacidade de contaxio.
Como por agora é moi complicado seguir a simple vista a circulación do virus, o que fixo o experimento da NHK no bufete foi poñer nas mans dun dos comensais un pouco de pintura fluorescente. Despois de que cada unha das persoas acudira a servirse e comezaran a comer, a luz apagouse aos 30 minutos, e activouse unha luz que permitía ver como se propagara a pintura que, nun principio, só estaba nas mans dun dos comensais.
