Hai anos, a Unión Astronómica Internacional (UAI) decidiu bautizar con nomes de muller os accidentes xeográficos do segundo mundo do Sistema Solar. Abriu a porta a que astrónomos afeccionados propuxeran nomes de mulleres vencelladas ao mundo da cultura.
E así foi como Henrique Pujales, director do obradoiro de astronomía que se realizaba no Instituto Fernán Esquío de Neda, escribiu á UAI propoñendo o nome de Rosalía e acompañando a petición cunha biografía da poetisa. A proposta foi aceptada e dende 1994 un cráter de Venus leva o nome de Rosalía de Castro.
O lugar dedicado a Rosalía de Castro en Venus é un cráter de impacto de 22,6 kms de diámetro situado no punto de latitude 3,4 graos Norte e 233,9 de lonxitude.
