A clasificación da National Taiwan University (NTU), que mide a investigación de excelencia, o impacto da investigación e a produtividade da mesma, sitúa á USC como a novena universidade de España e a 423º na lista das 800 mellores do mundo. A Universidade de Vigo, a outra galega presente na clasificación, aparece no intervalo 601-700.
Este ránking emprega os datos extraídos do de Science Citation Index (SCI) e Social Sciences Citation Index (SSCI) e avalía o rendemento investigador de forma específica. Segundo sinala o equipo promotor da clasificación, “as estatísticas dos artigos publicados en revistas académicas internacionais ofrecen unha representación obxectiva do desempeño investigador da cada Universidade”.
Ademais da clasificación xeral, a lista da NTU avalía as universidades segundo seis campos de coñecemento xerais e en base a catorce temas específicos, que se poden consultar ao completo na web do ránking NTU.
