O catedrático da USC Jorge Mira, novo membro da Real Academia Galega

O catedrático de Electromagnetismo da Universidade de Santiago de Compostela Jorge Mira (Baio, 1968) será académico correspondente da Real Academia Galega (RAG) logo de que o seu pleno votase favorablemente este venres a proposta. Xunto ao profesor da USC ingresará tamén o director xeral do Instituto Arxentino-Galego Santiago Apóstolo de Bos Aires, Carlos Xavier Rodríguez Brandeiro.

Alén das liñas de investigación que mantén en eidos exclusivos das ciencias experimentais, Jorge Mira traballa na modelización matemática de sistemas sociais aplicada ás dinámicas lingüísticas, campo no que creou un modelo que reproduce a evolución histórica do número de falantes de galego e castelán en Galicia. En relación con estes estudos, colabora desde 2014 co Seminario de Sociolingüística da RAG nun proxecto de socioloxía da lingua, demografía e evolución.

Publicidade

Jorge Mira é tamén un brillante e premiado divulgador científico

De Mira é salientable ademais o seu labor de divulgación científica. Autor dos libros A ciencia no punto de mira (2010) e A que altura está o ceo? (2016), colabora en varios medios de comunicación achegando a ciencia ao público xeral en lingua galega (RG, TVG, TVE-Galicia e La Voz de Galicia), é o responsable do programa Conciencia da USC e do primeiro nodo español da rede internacional Nerd Nite, co dirixe a Colección de Divulgación Científica da USC e imparte numerosas conferencias e accións formativas. É ademais membro do consello de redacción de Grial e da Sección de Ciencia, Natureza e Sociedade do Consello da Cultura Galega.

O seu labor divulgador mereceu, entre outros, o Premio Física en Acción da Real Sociedad Española de Física (2000), unha mención de honra do Premio Ciutat de lles arts i de lles ciencies de Valencia (2001), o Premio Nacional Ciencia en Acción do Ministerio de Educación e o EIROForum (2005), e Premio José María Savirón (2001). O compromiso que mantén coa lingua galega foille recoñecido coa concesión do XX Premio Lois Peña Novo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

“Anicamento” e “teito de cristal”, entre as novas entradas do Dicionario da Academia

A RAG engade corenta voces como novas acepcións e mellora a definición de 20 lemas na súa última actualización
00:04:39

Pode caer un raio dúas veces no mesmo sitio?

Grazas aos pararraios a humanidade non teme hoxe as tormentas e o seu poder destrutivo, pero o lugar onde caen as descargas ten pouco de azar e moito de fondo científico

Os homes len en galego 27 palabras máis por minuto que as mulleres

A filóloga Carme Hermida cre que elas son menos veloces porque practican unha lectura máis atenta ca eles

O matemático Eduardo García Río ingresa na Academia de Ciencias 

O catedrático de Xeometría e Topoloxía da Universidade de Santiago incorpórase á sección de Matemáticas, Física e Ciencias da Computación