Un test de alento pode detectar cancros en minutos

Un simple test similar ao dos controis de alcoholemia pode detectar cancros de estómago e esófago, dous dos máis mortais, en cuestión de minutos. Así o revela un primeiro estudo clínico, publicado na revista Annals of Surgery, que detalla unha proba de alento que pode dar un diagnóstico co 90% de precisión.
O novo test presenta outras vantaxes fronte a probas convencionais de laboratorio, que adoitan demorarse durante horas, xa que ademais evítase a necesidade de realizar unha endoscopia, cunha sonda no interior do corpo do paciente. E tamén supoñería, de xeneralizarse, un importante aforro para a sanidade pública.
O test evita as endoscopias e distingue entre tumores benignos e malignos

O test evita as endoscopias e distingue entre tumores benignos e malignos

Para facerse a proba, os pacientes simplemente deben respirar a través dun dispositivo que recolle os olores distintivos producidos por tumores canceríxenos. Os científicos que a desenvolveron pertencen ao Imperial College de Londres, a prestixiosa universidade británica especializada en ciencia, enxeñaría, medicina e negocios, e sosteñen pode discriminar entre tumores malignos e benignos dende a primeira análise.
Un ensaio que incluíu a máis de 200 pacientes botou uns prometedores resultados, que agora se ampliarán noutro novo que involucrará a tres hospitais de Londres. A noticia chega despois de que investigadores en Israel reportasen un avance similar en abril.
Os de estómago e o esófago constitúen 15% de todas as mortes por cancro. Ambos os dous son xeralmente diagnosticados en etapas avanzadas, xa que rara vez causan ningún síntoma perceptible dende o principio. As taxas de supervivencia a longo prazo no Reino Unido son o 13% para o cancro esofáxico e 15% para o gástrico.

Publicidade

O ensaio cos 200 primeros pacientes botou uns resultados prometedores

O profesor George Hanna, autor principal do estudo, subliñou que os cancros de esófago e gástricos están en aumento no Reino Unido, con máis de 16.000 novos casos diagnosticados cada ano.
“O método actual para detectar estes cancros é caro, invasor e polo xeral faise un diagnóstico nunha etapa avanzada e, a miúdo o cancro diseminouse outras partes do corpo. Isto fai que sexa máis difícil de tratar e os resultados nas taxas de supervivencia pobres a longo prazo”, resaltou.
“A nosa proba de alento podería facer fronte a estes problemas, xa que pode axudar a diagnosticar pacientes con síntomas non específicos temperáns, así como reducir o número de endoscopias invasoras levadas a cabo nos pacientes, que a miúdo conducen a resultados negativos. O diagnóstico nunha etapa temperá podería salvar máis vidas“, engadiu Hanna.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha vacina de ARNm reprograma o sistema inmune para atacar o cancro cerebral máis letal

O avance dun grupo de investigadores da Universidade de Florida probarase nun ensaio clínico pediátrico contra o glioblastoma

Os casos de cancro de próstata duplicaranse en 2040

Un informe publicado na revista 'The Lancet' estima que en menos de dúas décadas haberá 2,9 millóns de pacientes con este tumor

“Con suficiente investigación, a maioría dos cancros poderanse tratar na década de 2040”

Jesús Sánchez, responsable de proxectos na Fundación CRIS, asegura que as terapias CAR-T foron unha revolución no tratamento dos tumores do sangue

Unha nova ferramenta baseada en IA mellorará o diagnóstico de cancro cerebral

Na actualidade, para confirmar a diagnose, é necesario someter ao paciente a procesos neuroquirúrxicos en case tódolos casos