Venres 29 Marzo 2024

A monogamia triunfou por medo ás enfermidades de transmisión sexual

Na prehistoria, cando os humanos empezaron a desenvolver sociedades formadas por grupos máis grandes grazas á aparición da agricultura, estes individuos deberon desenvolver normas sociais que supuxeron un cambio da poligamia cara á monogamia. Este feito estivo motivado pola presenza de infeccións de transmisión sexual (ETS) e pola presión do grupo, segundo un estudo que publica a revista Nature Communications.

En poboacións grandes, as infeccións poden persistir, o que fai máis atractiva a monogamia

“Nas sociedades máis pequenas, as infeccións de transmisión sexual non poden persistir no longo prazo, desaparecen debido a sucesos aleatorios, que son tamén máis comúns en grupos pequenos. Por tanto, a poligamia non está en desvantaxe debido a que as infeccións non persisten. Nas poboacións máis grandes, as infeccións son capaces de persistir, e isto é o que fai que a poliginia sexa menos vantaxosa que a monogamia, xa que o nivel medio de infección é maior nos grupos poligínicos que nos grupos monógamas”, explica Chris Bauch, científico da Universidade de Waterloo (Canadá) que lidera o traballo.

Publicidade

Para simular como afectaba a estas sociedades primitivas as infeccións de transmisión sexual utilizouse un modelo baseado en varios axentes. “Isto significa esencialmente que simulamos unha poboación real de cazadores-recoletores e agricultores que actuaban de acordo a certas regras, e vimos como se estendería unha infección entre os individuos de acordo ás devanditas regras. É un pouco como un xogo de computador”, asegura o investigador.

Anteriormente, uns poucos machos apareábanse con múltiples femias

Nas poboacións de cazadores-recolectores temperáns era común que uns poucos machos monopolizaran o apareamento con múltiples femias co fin de aumentar o seu número de descendentes. Nestas pequenas sociedades onde existe un máximo de 30 individuos sexualmente maduros os brotes de infeccións de transmisión sexual son de curta duración e tenden a non ter tan significativo efecto na poboación. Así, nos grupos máis grandes, as infeccións de transmisión sexual converteríanse en endémicas, o que ten un impacto sobre a fertilidade.

“Non temos moitos datos sobre a prevalenza das ETS en poboacións prehistóricas, aínda que hai exemplos de brotes de enfermidades de transmisión sexual de grupos illados de cazadores-recolectores da actualidade. Podemos utilizar estes datos das poboacións modernas para probar o modelo, ese sería un traballo futuro a esta área de investigación”, conclúe Bauch.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un estudo revela que embarazo muda o cerebro das nais para fortalecer o vínculo cos fillos

A forte alteración hormonal que acontece no corpo das mulleres durante a gravidez facilita a relación cos bebés segundo un paper da Nature Communications

Sabes por que te orientas mal? O teu lugar de nacemento ten moito que ver

Un estudo internacional indica que as persoas criadas na cidade teñen peores habilidades que as que medran nas aforas

Un novo ecosistema está a medrar na “illa de lixo” do Pacífico

Un estudo publicado en Nature Communications alerta de que os organismos costeiros xa están comezando a habitar o mar aberto grazas aos plásticos

Sexo oral e enfermidades de transmisión sexual: como previlas e tratalas?

A falta de precaucións nos encontros sexuais pode dar pé á aparición de infeccións como a sífilis, a gonorrea, a clamidia ou a do virus do papiloma humano