9/10/2019: a última data capicúa de 7 díxitos deste século

O de onte foi un día único na nosa vida. E non, non é un tópico dun libro de autoaxuda. O 9 do 10 do 2019 foi a última data capicúa (9/10/2019) de sete díxitos que viviremos a gran maioría dos que estamos lendo estas liñas. Non vai ser, de forma absoluta, a última do século, xa que se nos imos aos oito díxitos, teremos unha cada ano nas vindeiras décadas.

Happy #PalindromeDay 🙂🙃 pic.twitter.com/WrJnsBoUwm

— Vincent Pantal🍩ni (@panlepan) October 9, 2019

O 9/10/2019 é, por tanto, unha das varias curiosidades matemáticas que nos adoitar deixar o calendario. Nuns meses, por exemplo, teremos outra data capicúa, pero de oito cifras: o 2 de febreiro de 2020, ou o que é o mesmo, o 02/02/2020. Dez anos e un día máis tarde, teremos outra: o 03/02/2030. E cando pase outra vez o mesmo tempo, volverá acontecer:o 4 de febreiro de 2040 será o 04/02/2040.

Publicidade

Porén, as curiosidades matemáticas que nos atopamos nas datas tamén dependen doutros matices. Hai xusto un mes, en Estados Unidos ‘celebraron’ a semana do palíndromo, é dicir, de todo aquilo que pode lerse indistintamente de dereita a esquerda e de esquerda a dereita sen que cambie o sentido. Pero había un pequeno matiz:

Naquel país, á hora de escribir as datas, o mes vai diante do día. É dicir, o seu 10 de setembro non era o 10/9/19, senón o 9/10/19. A partir daquel día, e ata o 19 do mes pasado, todas as datas (omitindo os dous primeiros díxitos do ano, iso si), podían lerse igual nun ou noutro sentido.

Publicidade

Every date this week reads the same backwards as it does forward.

9.10.19
9.11.19
9.12.19
9.13.19
9.14.19
9.15.19
9.16.19
9.17.19
9.18.19
9.19.19

Here’s hoping #PalindromeWeek brings some order to your life!

— Mental Floss (@mental_floss) September 10, 2019

O 9/10/2019 que xa pasou vai ser o último dunha xeira que levamos vivindo todos os meses de outubro desta década que tamén termina. Pasou o 1 de outubro de 2011 (1/10/2011), e sucesivamente (2/10/2012; 3/10/2013; 4/10/2014, etc.). Así que toca desfrutar o día, como calquera outro das nosas vidas.