Venres 29 Marzo 2024

Un alumno da UDC gaña un concurso mundial de informática

Antonio Álvarez Rodríguez, alumno do mestrado en Enxeñaría Informática da Universidade da Coruña, vén de impoñerse no concurso “Master the Mainframe“, un certame mundial organizado pola compañía IBM, no que participaron 18.000 estudantes de 47 países.

O galego recibiu o seu galardón durante as xornadas IBM Edge, celebradas en Las Vegas. O certame, que cumpriu este ano a súa undécima edición, está enfocado nos “mainframe” (tamén coñecidos como computadoras centrais), equipos informáticos de altas prestacións que se empregan no tratamento de datos e cálculos complexos e voluminosos. Requiren dun sistema robusto e capaz de funcionar de xeito continuo durante moito tempo, co obxectivo de garantir as prestacións nos procesos críticos das organizacións. Por este motivo, e segundo informa a UDC, estes equipos teñen características moi específicas e diferentes ao resto de ordenadores.

Publicidade

Para conseguir o triunfo, Antonio e os seus contrincantes tiveron que enfrontarse en Las Vegas a tres desafíos cun alto grao de complexidade. Antes disto, superaron varias fases para acadar a final mundial. Tras Antonio, ocuparon o podio Esteban Solís-Reyes, da universidade de Western Ontario (Canadá), e Dong Pan, da universidade de Electrónica da Ciencia e da Tecnoloxía de China.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Cando a música e a informática se alían: “Un músico poderá atopar partituras cantaruxando”

A investigadora da UDC Hilda Romero Velo crea unha aplicación web e móbil para solucionar algúns dos problemas aos que se enfrontan os músicos no día a día

PODCAST | A informática ao servizo da saúde cardiovascular. Con Víctor Mondelo

Charla co investigador do Laboratorio de Informática Aplicada, creador dun sistema informático de apoio á diagnose de electrocardiogramas que facilita o traballo do persoal sanitario na toma de decisións

Ana Freire: “O noso algoritmo para detectar o suicidio ten un 85% de precisión”

A enxeñeira informática recibe o Premio Ada Byron por un proxecto sobre a identificación de tendencias suicidas en redes a través de intelixencia artificial

Tres obradoiros para espertar a vocación tecnolóxica entre as rapazas

Están organizados polo CPEIG e Amtega e poderanse seguir en liña ou asistir de maneira presencial na Facultade de Informática da Coruña