Venres 29 Marzo 2024

A RAG supera os 15 millóns de buscas no dicionario da súa web

Máis de 15 millóns de buscas desde o 1 de xaneiro deste ano. 55.000 consultas diarias. O dobre de visualizacións (1,6 millóns) que o ano pasado nas aplicacións para Android e iOS, que suman case 70.000 descargas. Preto de 900.000 usuarios únicos. Son algunhas das cifras das ferramentas en liña do dicionario da Real Academia Galega, que en 2013 botou a andar na súa versión dixital.

O dicionario dixital, xunto ao Portal das Palabras, desenvolvidas ambas co apoio da Fundación Barrié, converteuse nunha ferramenta indispensable para a utilización da lingua galega en Internet. Coas últimas actualizacións, a RAG incluíu a posibilidade de que os usuarios poidan enviar os seus comentarios e propostas para contribuír á formación dunha comunidade participativa e dinámica. Ademais, desde o pasado 8 de marzo, incorporouse a posibilidade de facer buscas directas das palabras na forma feminina.

Publicidade

Pola súa parte, o Portal das Palabras, tamén en constante actualización, é unha iniciativa que busca mellorar e modernizar o traballo lexicográfico e a difusión da lingua galega.

Aplicacións e bot de Facebook

Amais, as aplicacións para teléfonos móbiles e tabletas iOS e Android permiten utilizar todas as posibilidades do dicionario desde calquera lugar, ademais de dispoñer dos recursos lúdicos e didácticos de lexicografía do Portal das Palabras.

Do mesmo xeito, a RAG dispón tamén dun ‘bot’ na aplicación de Facebook Messenger, que responde de forma automática ás consultas dos usuarios, tal e como se pode ver neste exemplo:

.
.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Os 10 termos que debes evitar ao falar do VIH

A científica Eva Poveda presenta un "dicionario inclusivo" para desestigmatizar as persoas co virus da inmunodeficiencia humana

A intelixencia artificial xa entende o galego: deseñan o primeiro recoñecedor de voz

O proxecto Nós desenvolveu tamén un tradutor neuronal multilingüe e unha aplicación que a partir dun texto le na lingua materna

O galego é cousa de boomers: “Estamos ante unha emerxencia lingüística”

Só o 14% dos menores de 15 anos falan sempre a lingua de Galicia, fronte ao 49% das persoas de 65 ou máis anos

Así se ve a constelación de satélites de Elon Musk

Máis de 4000 obxectos orbitan arredor da Terra para vender unha tarifa de datos que proporciona acceso universal á rede