Un estudo realizado por tres investigadores galegos e que vén de ser publicado na revista Computer Methods and Programs in Biomedicine amosa un novo método para contribuír ao diagnóstico da síndrome do ollo seco. Esta doenza, que afecta a uns 5 millóns de persoas só en España, produce problemas de irritación, sensibilidade á luz, sequedade, dor e cansazo na vista, coas conseguintes dificultades que isto ocasiona na vida diaria. Os ordenadores do Centro de Supercomputación de Galicia, situado en Santiago, realizaron as probas deste novo método.
Jorge González e María José Martín, do Grupo de Arquitectura de Computadores de la Universidade da Coruña (GAC-UDC), e Beatriz Remeseiro, do Instituto de Engenharia de Sistemas e Computadores, Tecnologia e Ciência en Porto, (INESC TEC), desenvolveron un sistema para acelerar a producción de mapas de película lacrimal en clústeres de memoria distribuida. Este novo método modifica o algoritmo orixinal a través da ultilización do Interfaz de Pase de Mensajes (MPI), co que acelera o tempo de execución destes mapas.
Deste xeito, conséguese aforrar case dous minutos respecto á anterior abordaxe, polo que só se tarda algo menos de dez segundos en deseñar o novo mapa. Anteriormente, nalgúns casos, a implementación dos mapas máis pesados podía levar ata media hora.
Esta redución de tempos pode conseguir que o uso de mapas de película lacrimal se xeralice entre os especialistas médicos, acelerando e mellorando o diagnóstico.
Eu padezo ésta doenza
Levo moitos anos utilizando Oculotec e Lipolac co custo mensual de 15€ aproximadamente.
Diagnosticada de esoftalmos.