Únete á nosa canle de Whatsapp
A ruta entre Vigo e Porto vaise converter nun banco de probas para os vehículos sen condutor, segundo un acordo asinado por España e Portugal, que establece dous corredores terrestres para este tipo de coches, que circularán entre Porto e Vigo (154 quilómetros) e entre Évora e Mérida (163 quilómetros).
Estas dúas vías terrestres terán conexión 5 G, imprescindible para garantir unha conexión rápida e segura entre as máquinas autónomas e entre elas e os centros de control de datos, segundo anunciou o xornal portugués Público.
O acordo entre os dous países, asinado o 10 de abril, prevé o establecemento de regras comúns e coordinadas para o desenvolvemento “rápido e seguro de condución autónoma que contribuirán para un uso máis harmonioso e exitosos das tecnoloxías avanzadas en vehículos”.
A conexión 5G é vital para que o coche poida circular con seguridade de xeito autónomo
Con este acordo, os dous países pretenden poñerse na vangarda da mobilidade autónoma; os dous corredores, de máis de 300 quilómetros, “van funcionar como un centro tecnolóxico neutral para a industria, centros de investigación, universidade e calquera outro axente que queira probar e avaliar tecnoloxías innovadoras de innovación”.
É dicir, que empresas como Google, Uber, Citroën ou Mercedes poderán testar as súas investigacións nestas vías acoutadas. Recentemente, Mercedes trasladou a Lisboa o seu laboratorio de tecnoloxía para o coche autónomo e Google anunciou outro centro nos arredores da capital lusa onde traballarán máis de 500 persoas, a maioría informáticos.
Ao mesmo tempo, en Vigo a factoría de Citroën traballa con diversos centros de investigación, como o CTAG do Porriño, para desenvolver o coche autónomo. En novembro do 2015, xa se fixo unha proba percorrendo os máis de cincocentos quilómetros entre Vigo e Madrid cun coche de Citroën adaptado e con condución autónoma.
Bien. Ojalá sea más pronto que tarde el que uno se traslade en coche sin conducir. Personalmente, me gusta trasladarme y viajar, pero no conducir. Mi mayor felicidad, que no voy poder satisfacer, será cuando nos podamos teletransportar. Hago chas y aparezco allí donde quiero.