Martes 19 Marzo 2024

Por que contamina o metano que emiten as vacas?

O metano (CH4) presente na atmosfera terrestre é un dos principais gases que provocan o coñecido efecto invernadoiro. Está presente en menor medida que o CO2, pero o seu efecto é sensiblemente maior que o do dióxido de carbono, pois ten una gran capacidade de absorción dos raios infravermellos. Non en tanto, permanece durante menos tempo na atmosfera. Estímase, con todo, que nas vindeiras décadas o impacto do metano acabará sendo semellante ao do principal axente que causa o quecemento da atmosfera.

Este gas, incoloro, inflamable e non tóxico, é emitido por dúas fontes principais. Por unha banda, ten unha orixe natural, procedente dos mecanismos de descomposición de materia orgánica en ausencia de osíxeno, que liberan o metano á atmosfera. E por outra, a orixe antropoxénica, a través das industrias de combustibles fósiles, e as actividades agrogandeiras.

Publicidade

A maior parte do metano das vacas sae en forma de eructo, non de ventosidades

dixestión nos rumiantes xera como refugallo o gas metano, polo que as vacas expúlsano ao exterior. Pero ao contrario do que se cre, a maior parte deste gas sae a través de eructos, pola boca, e non a través de ventosidades.

A nivel mundial, o CH4 emitido pola fermentación entérica do gando e o que procede da descomposición dos estercos representa case o 50% dos gases de efecto invernadoiro emitidos polo sector gandeiro, segundo a FAO. En España, o gando produce un 60% de todo o metano que se emite á atmosfera. E dentro desta porcentaxe, un 60% procede da fermentación entérica dos rumiantes, principalmente, o gando bovino. As vacas son, por tanto, un dos principais axentes emisores de metano en España.

Cada ano, unha vaca pode expulsar arredor de 100kg deste gas, e en Galicia hai máis de medio millón de vacas. Cómpre, por tanto, investigar para reducir esta cantidade.

logo_MEIC_FECYT_Web

2 COMENTÁRIOS

  1. Poderían citar o informe da FAO no que se cuantifica semellante porcentaxe? No informe de 2009 teño entendido que se asignada ao vacún o 5 % dos GEI. O 50% paréceme que debe ser un erro, espero que non tendencioso.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

▪️ Galicia vivirá unha primavera “máis cálida do normal”

Segundo a AEMET, as temperaturas invernais estiveron 1,8 graos por enriba da media habitual para esta época do ano

▪️ As medusas chegan para quedar: “Cada vez haberá máis en Galicia”

Nos últimos días apareceron varios exemplares que puideron ser arrastrados polo temporal marítimo

Unha masa de aire subtropical elevará os termómetros en Galicia ata os 21 graos. Canto vai durar?

A partir do xoves agárdase a entrada de novas borrascas atlánticas que deixarán precipitacións no oeste da comunidade

Un asteroide troiano de Xúpiter pasará polo ceo de Galicia

En Santiago de Compostela hai un 34 % de probabilidade de observar a ocultación dunha estrela