Venres 29 Marzo 2024

Unha tese doutoral analiza 63 escaleiras monumentais da cidade de Santiago

A historiadora da arte Milena Cortés López defendeu na USC a súa tese de doutoramento ‘De tiros, huellas y arrimos. Historia de la escalera monumental en Santiago de Compostela. (Siglos XVI-XXI)’ na que estuda a evolución, desenvolvemento e comportamento artístico que experimenta a escaleira monumental ao longo da historia, tomando como caso concreto o de Santiago de Compostela, “no que segue a ser un referente na cidade”, afirma.

“Sendo un elemento arquitectónico que pretende dar resposta a unha necesidade funcional, a escaleira convértese en expresión da mentalidade do home e no reflexo dos diferentes coñecementos técnicos e gustos estéticos ao longo dos anos”, explica Milena.

Publicidade

No traballo doutoral, que mereceu a máxima cualificación, faise un rigoroso estudo da historia xeral da escaleira monumental botando man de literatura da construción, libros antigos –a lgúns localizados en bibliotecas compostelás– que recollen as primeiras ideas que os teóricos e arquitectos achegan á concepción da escaleira, fundamentalmente desde o século XV.

A tese que dirixiu o profesor Juan Monterroso cataloga sesenta e tres escaleiras localizadas na cidade de Santiago de Compostela. Dende as primeiras que apareceron –e aínda se conservan– ata os exemplos que forman parte da arquitectura civil ou conventual e catedralicia ou as exteriores, pasando pola escaleira que hoxe non existe pero que forma parte da historia da cidade.

O traballo compleméntase con imaxes, planos situacionais de cada unha das pezas, planos topográficos de época ou renders dalgunha das escaleiras máis destacadas, recursos todos eles que se poñen agora ao servizo do estudo da escaleira monumental na cidade de Santiago de Compostela.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Descuberto un novo petróglifo no municipio coruñés de Aranga

Foi achado por casualidade no mes de febreiro e dende Colectivo A Rula explican que é un xacemento con "motivos propios da nosa arte atlántica"

Os frescos da igrexa dos Vilares cobran nova vida e saen da lista vermella do patrimonio

As pinturas do século XVI caían das paredes e a policromía estaba gravemente deteriorada debido ao paso do tempo e a humidade

Un oficio en perigo de extinción: “O 50% dos campaneiros manuais está en Galicia”

En maio celebrarase na Estrada o Primeiro Congreso de Toque Manual de Campás tras a súa declaración como Patrimonio Inmaterial da Unesco

O falso mito das casas galegas de pedra: cando os muros eran brancos

Hai 100 anos, as vivendas galegas cubríanse de cal por cuestións hixiénicas e de illamento térmico, pero unha nova corrente estética do século XX reverteu a tendencia