Unha ferramenta para predicir a produción eólica chega á final do EDPR University Challenge
Investigadores do Grupo de Física Non Lineal da Universidade de Santiago presentarán na final do premio EDPR University Challenge un estudo sobre ferramentas para predicir a produción dos parques eólicos. Dirixido polo prodesor Gonzalo Míguez Macho, o equipo fórmano tamén os investigadores Miguel Ángel Prósper Fernández e Carlos Otero Casal e o seu proxecto chega á final dun certame concibido para contribuír ao desenvolvemento da excelencia académicas dos estudantes e patrocinado por EDP, o maior grupo eléctrico de Portugal e un dos máis importantes de Europa.
O grupo pesentará o seu traballo o vindeiro 8 de outubro en Madrid con outras 14 iniciativas seleccionadas e ante un xurado composto por docentes universitarios, persoal de EDP Renewables e de Premivalor Consulting. Concederanse premios aos tres primeiros clasificados. Consisiterán nunha bolsa de estudos para os estudantes e outra de investigación ao director do proxecto.
Máis información no seguinte enlace:
