Mércores 21 Febreiro 2024

Teñen as diferenzas de xénero unha base biolóxica?

Nova sesión das Regueifas de Ciencia, e novo debate interesante e de actualidade. O vindeiro 22 de outubro, ás 20 horas, na Facultade de Comunicación de Santiago, tres expertas e un experto debaterán sobre o xénero. Partindo da pregunta “Teñen as diferenzas de xénero unha base biolóxica?”, discutirase sobre se o xénero é unha construcción social ou é biolóxica.

Segundo explican desde a organización das Regueifas, “existe unha corrente que afirma que o xénero é unha construcción puramente social e cultural que se atopa de fronte cós que consideran que hai unha compoñente biolóxica“. Deste xeito, a existencia de roles de xénero complica moito distinguir qué similitudes e qué diferenzas existen entre homes e mulleres de xeito natural.

Publicidade

A interpretación social de ser home ou muller ten outorgado a cada persoa a súa función no mundo antes de nacer, por isto, hoxe fáisenos difícil diferenciar o que hai de biolóxico e que hai de cultural e aprendido no masculino e no feminino.  Dende a psicoloxía, moitos estudos se teñen centrado en investigar se esta distinción de roles se debe a diferentes aptitudes innatas ou polo contrario, se as desigualdades sociais son as que crearon estas diferenzas.

Para abordar o asunto, formaranse dous equipos. Da banda que afirma que si existe unha base biolóxica nas diferenzas de xénero estarán Rosalind Arden, investigadora da London School of Economics, e Ferran Suay, profesor de Psicobioloxía na Universtat de València. Da parte que nega estas diferenzas estarán Angela Saini, escritora e xornalista, e autora do libro Inferior, e Pilar López Sancho, profesora de investigación do ICMM-CSIC e membro da Comisión Muller e Ciencia do CSIC.

O acceso ás sesións será, coma sempre, gratuíto e libre ata completar o aforo.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A eternidade por fin comeza un luns

Artigo gañador da VI edición do IGFAE C3, o concurso de comunicación científica do Instituto Galego de Física de Altas Enerxías
00:05:26

Gciencia fai 10 anos

O portal da ciencia culmina dez días de celebracións polo seu décimo aniversario

Máis xornalismo e máis divulgación

Editorial de Gciencia polo seu décimo aniversario

Exposicións, obradoiros, rutas e premios: as outras actividades divulgativas de Gciencia

O portal da ciencia galega emprendeu ao largo da súa traxectoria numerosas actividades para sacar a divulgación á rúa