Únete á nosa canle de Whatsapp
A Galería de Matemáticas, Ciencia e Tecnoloxía “A Árbore das Matemáticas”, Arbolmat, incorporou 29 novos perfís, entre os que se encontra o reitor da USC, Juan Viaño.
Xunto ao reitor entraron, entre outros, a catedrática da Universidade de Bos Aires, Alicia Dickenstein; a directora de investigación do Ceremade na Universidade París-Dauphine e presidenta do International Council for Industrial and Applied Mathematics (ICIAM), María Jesús Esteban; a catedrática da Universidade de Zaragoza e medalla RSME en 2016, María Teresa Lozano; o reitor da Universidade de Salamanca, Daniel Hernández-Ruipérez; o político e economista, Andreu Mas-Colell; ou o investigador e premio nacional, Enrique Zuazua. Ademais, foron homenaxeados o ex presidente da Real Sociedade Matemática Española (RSME), Antonio Campillo, e o catedrático da Universidade de Sevilla, historiador e divulgador da disciplina, Antonio Durán.
Os novos perfís foron presentados nun acto conxunto ao que asistiron o presidente da RSME, Francisco Marcellán; a directora xeral de Universia España, Susana García Espinel; o reitor da Complutense, Carlos Andradas; o director da FECYT, Ignacio Fernández de Vera; o coordinador de Arbolmat, Sebastiá Xambó; e o presidente da Sección Exactas da Real Academia de Ciencias Exactas, Físicas e Naturais, Jesús Sanz Serna, entre outros.
A lista está chea de persoas destacadas pola súa relevancia investigadora en España, Portugal e Latinoamérica. Súmanse así á lista dos 39 perfís publicados ata a data no marco desta iniciativa conxunta da RSME e Universia.
