O traballo de Gerardo Álvarez Rivera realizado dentro do grupo LIDSA da USC sobre o comportamento fotoquímico dos conservantes de produtos de consumo e coidado persoal recibiu esta semana o premio Roland W. Frei da IAEAC (International Association of Environmental Analytical Chemistry) no marco do encontro internacional Pesticides 2016 que se desenvolveu esta semana en Medicina.
Pesticides 2016 reuniu participantes na 9ª Conferencia Europea sobre pesticidas e microcontaminantres orgánicos xunto co 15º simposio sobre a química e o destino medioambiental dos novos pesticidas. O congreso, organizado polo INGACAL-CIAM en colaboración co grupo de investigación LIDSA da Facultade de Química integrado na Agrupación estratéxica CRETUS, convocou douscentos investigadores de mais de 30 países de todos os continentes.
Ao longo das sesións tratouse a problemática actual dos pesticidas e microcontaminantes orgánicos emerxentes así como os últimos avances en instrumentación analítica para o seu control nos ámbitos medioambiental e alimentario. Xa en temas concretos, avanzouse na problemática derivada do uso dos campos de céspede artificial preparados a partir de triturado de neumáticos.
