Xoves 28 Marzo 2024

O líder do LHC Lyn Evans, na Semana da Ciencia do IGFAE

O organismo desenvolve do 11 ao 16 de novembro a segunda edición da Semana da Ciencia con varias charlas sobre física de partículas

Santiago de Compostela acolle esta semana a segunda edición da Semana da Ciencia que organiza Instituto Galego de Física de Altas Enerxías (IGFAE). Serán actividades dirixidas a pequenos e maiores para achegar á sociedade á investigación no campo da física de partículas, astropartículas e física nuclear a través de distintas actividades, organizadas co obxectivo de fomentar a cultura científica na cidadanía galega e vocacións STEM (Ciencia, Tecnoloxía, Enxenería e Matemáticas) entre os máis novos.

Nesta edición o programa vertebrarase arredor dos aceleradores de partículas xa que se cumpren agora 90 anos do primeiro deles: o ciclotrón de Ernest Lawrence. O convidado que inaugura este luns a Semana da Ciencia é o líder da construción do LHC do CERN, o físico galés Lyn Evans, que dará unha charla gratuíta para todos os públicos no auditorio Abanca ás 20 horas sobre o maior colisionador de partículas do mundo, “unha marabilla da tecnoloxía”, tal e como di o título da conferencia. A sesión terá tradución simultánea a galego e castelán.

Publicidade

Lyn Evans falará sobre como se deseñou e construíu este instrumento científico de dimensión descomunal, co que se puxo fin a máis de 40 anos de procura do bosón de Higgs. Agora, o CERN está cavilando sobre cal será o novo proxecto despois do LHC, con posibilidades como a construción dun acelerador lineal de 100 quilómetros. Esta e outras cuestións fundamentais como a orixe da masa e a sutil diferenza entre a materia e a antimateria que nos permitiron existir centrarán a charla de

O martes será o momento da física teórica e cineasta Ágnes Mócsy cun coloquio para explorar as interseccións arte-ciencia, que terá lugar ás 20 horas no CGAC. Mócsy, física teórica, cineasta e comunicadora, conta con traballos de gran relevancia sobre o estado do universo uns microsegundos despois do Big Bang. Dedícase desde hai dez anos ao estudo da intersección entre arte e ciencia, así como á inclusividade de orixe e de xénero na ciencia.

Para o mércores está prevista ás 21 horas na Nave de Vidán unha nova sesión da Nerdnite, esta vez centrada na temática de aceleradores de partículas. Xa o xoves ás 18 horas celebrarase a entrega de premios do II Concurso de Comunicación Científica do IGFAE, coa exposición dos monólogos dos participantes. Ao finalizar, ás 20:00 horas, a investigadora Pía Zurita da Universität Regensburg impartirá o seminario “Protón e núcleos: canto sabemos realmente?”, dirixido ao alumnado de Física. E o venres, Ágnes Mócsy participará de novo cun coloquio sobre a diversidade na ciencia. A semana pecharase o sábado cunha xornada de portas abertas nos centros singulares da USC.

A charla de Lyn Evans poderá tamén seguirse en directo nesta ligazón.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

A USC contribúe nunha nova técnica para estudar reaccións nucleares en explosións estelares

O investigador Yassid Ayyad desenvolveu parte da análise neste traballo internacional que se publica na revista ‘Physical Review Letters’

Científicos galegos afondarán na conformación do Universo nun experimento con neutrinos

O IGFAE participará no deseño dun detector que interceptará feixes destas partículas para intentar explicar a asimetría entre materia a antimateria

O Shazam das ondas gravitacionais ten acento galego

Un traballo liderado por Juan Calderón "dálle a volta á tortilla" aos complexos cálculos necesarios para obter información destes eventos

A eternidade por fin comeza un luns

Artigo gañador da VI edición do IGFAE C3, o concurso de comunicación científica do Instituto Galego de Física de Altas Enerxías