Xoves 28 Marzo 2024

O CiTIUS organiza unha xornada sobre drones en Santiago

O CiTIUS da USC programou para o vindeiro día 24 a xornada de demostración tecnolóxica ‘UAVlab’, un encontro monográfico destinado a presentar a empresas e institucións as tecnoloxías desenvolvidas no centro no eido dos Vehículos Aéreos Non Tripulados, tamén coñecidos como drones ou  ‘UAVs’ (Unmanned Aerial Vehicles).

Seguindo a estela das recentes edicións do Inside The Lab, a xornada de portas abertas á industria que ao longo dos dous últimos anos atraeu ao centro numerosos actores da contorna científico-tecnolóxica, esta nova proposta pretende agora poñer o foco sobre un ámbito de crecente interese e máxima actualidade social.

Publicidade

No UAVlab os visitantes poderán asistir a demostracións de solucións deseñadas para a pilotaxe autónoma de UAVs mediante visión artificial, a reconstrución 3D da contorna a partires de imaxes ou a identificación de superficies a partir de imaxes hiperespectrais (‘LiDAR’), entre outras.

Todas as solucións amosadas nesta xornada, que se desenvolverá entre as 10 e as 14 horas, teñen o seu fundamento en resultados de investigación punteiros ao máis alto nivel, situándose nalgúns casos coma os mellores do mundo.

Para asistir, só é necesario cubrir o formulario publicado na web do evento. A inscrición permanecerá aberta ata o día 22 de febreiro.

 

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

00:05:35

É a intelixencia artificial unha ameaza para a humanidade?

O frenesí dos últimos anos leva a moitos a preguntarse polo verdadeiro alcance dunha revolución con riscos, pero con moitos beneficios se se seguen as normas

Unha campaña de doazón de voz recollerá as variedades fonéticas e dialectais de Galicia

O obxectivo é acadar as máis de 1.000 horas de gravación precisas para que dispositivos como Siri, Alexa ou Google recoñezan as distintas cadencias lingüísticas

Ana Kiro ‘revive’ para representar a Galicia na Eurovisión da intelixencia artificial

Un grupo multidisciplinar presenta a delegación galega do festival, que terá lugar o 4 de novembro na Coruña

A galega Andrea Cascallar recibe o premio á mellor tese de Europa

A experta en intelixencia artificial realizou o seu doutoramento na USC e é a primeira muller nada en España en recibir o galardón