Sábado 13 Xullo 2024

Gabriela González, exportavoz do proxecto LIGO, ofrece unha charla en Santiago

A física arxentina impartirá este venres 8 na Facultade de Comunicación unha conferencia titulada "Einstein, buratos negros e ondas gravitacionais"

A física arxentina Gabriela González impartirá este venres 8 a conferencia “Einstein, buratos negros e ondas gravitacionais”, nunha sesión a partir das 20.00 horas na Facultade de Ciencias da Comunicación da USC, organizada polo Instituto Galego de Física de Altas Enerxías (IGFAE).

A intervención de Gabriela González contará as particularidades e últimos achados arredor das ondas gravitacionais así como o futuro deste novo campo da astronomía. A investigadora arxentina tomou parte activa na colaboración internacional LIGO, que fixo posible estes avances, e foi recoñecida en 2016 como unha das científicas máis influíntes do mundo segundo a revista Nature.

Publicidade

Einstein xa predixera hai máis de cen anos a existencia destas ondas que viaxarían á velocidade da luz e que o espazo-tempo era dinámico. A conferencia rememorará como os dous observatorios LIGO en Estados Unidos detectaron en 2015 por vez primeira un sinal que atravesaba a Terra, causado polo “abrazo final de dous buratos negros que bailaran un tango hai máis de 1.300 millóns de anos”. Dende entón detectáronse varios sinais máis, incluíndo a colisión de dúas estrelas de neutróns, o que axuda a “entender a orixe dos metais pesados”.

A conferencia retransmitirase en streaming nesta ligazón.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Ciencia e arte, unidas nunha exposición en Santiago: “Levamos o laboratorio a unha igrexa barroca”

O Instituto Galego de Física de Altas Enerxías e o CERN colaboran para crear un diálogo entre a comunidade científica, artistas e sociedade

Científicos galegos producen carbono-11 con aceleración láser para usar en imaxes médicas

Un artigo do IGFAE describe por primeira vez a obtención dun radioisótopo para realizar tomografías por emisión de positróns

GCiencia abre o ciclo de faladoiros "Os mundos científicos de Vigo"

Os relatorios darán comezo o luns no edificio Redeiras cunha charla introdutoria que leva por título 'A divulgación científica en Galicia'

Científicos galegos detectan dunha colisión entre dous obxectos a 650 millóns de anos luz

A observación das ondas gravitacionais destes elementos cósmicos fai sospeitar que o máis lixeiro é unha estrela de neutróns e o máis pesado un burato negro