ABANCA e a USC colaboran nesta iniciativa de emprendemento.

ABANCA e a USC colaboran nesta iniciativa de emprendemento.

A Universidade de Santiago organiza a I Feira de Innovación USC-ABANCA

A finais de novembro na Cidade da Cultura, mostrará a súa oferta formativa e as actividades de investigación e valorización

A Universidade de Santiago de Compostela achegará os días 27 e 28 de novembro a toda a cidadanía a súa oferta formativa, investigadora e de transferencia de coñecemento na primeira edición dunha feira na que ademais dará conta da súa aposta decidida por difundir a cultura emprendedora entre o estudantado universitario.

As persoas que visiten a I Feira de Innovación USC-ABANCA poderán asistir ao longo de dúas xornadas a exhibicións das máis innovadoras tecnoloxías, presentación de spin-offs e patentes xurdidas na Universidade compostelá, obradoiros de emprendemento, charlas e conferencias divulgativas, entre outras moitas actividades.

O evento, organizado no contexto das actividades do Plan de Excelencia do Sistema Universitario de Galicia Ultreia 2020, estruturarase en varios grandes bloques, que darán conta da oferta completa de estudos da USC, das liñas de investigación levadas a cabo en todos os seus campus e dos esforzos por conectar os resultados desa investigación co sector produtivo.

Nos primeiros días de novembro farase público o programa de actividades, entre as que se inclúe ademais a III edición do Campus ABANCA, un concurso dirixido a estudantes universitarios e de bacharelato que teñan unha idea de negocio ou proxecto e desexen mellorar as súas habilidades e competencias para emprender nas consideradas profesións do futuro. A inscrición a este concurso está aberta ata o 21 de novembro .

As entradas para asistir a esta primeira feira, de balde ata completar aforo, estarán dispoñibles para o gran público nos vindeiros días, na páxina web da USC e no portal de adquisición de entradas Ataquilla.

Deixar unha resposta

XHTML: Podes empregar estas etiquetas: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.