Luns 20 Maio 2024

As universidades de Santiago e a galesa de Swansea abren novas vías de colaboración

Unha delegación da USC encabezada polo reitor Juan Viaño visita esta semana a Universidade galesa de Swansea para manter diversas reunións cos seus responsables e con grupos de investigación interesados en establecer contactos coa institución compostelá. O encontro prodúcese meses despois dunha reunión similar en Santiago na busca de novas vías que fortalezan e amplíen as relacións xa existentes nos eidos da investigación, docencia e o intercambio de persoal.

De feito, ambas as dúas institucións manteñen unha estreita colaboración dende hai anos que hoxe se materializa en 79 publicacións internacionais indexadas na base de datos Scopus, con especial énfase nos campos da física de altas enerxías, electrónica computacional e química. Ao igual que a USC, a Swansea University mantén un lugar destacado entre as universidades do seu ámbito territorial, destacando polo seu impacto na última avaliación de 2014 do UK Research Assessment Framework.

Publicidade

Ademais do reitor Juan Viaño, viaxaron a Swansea as vicerreitoras de Internacionalización e de Investigación e Innovación, así como investigadores no ámbito de Dereito, Economía, Filoloxía Galega, Física e Matemática Aplicada.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Un estudo feito en Lugo revela que case o 30% dos adolescentes sofren fobia a quedar sen móbil

A investigación USC saca á luz a relación deste medo irracional co consumo de alcol, tabaco e cánnabis

Galicia avanza para contar cos seus propios medicamentos CAR-T nos próximos anos

A finais de ano abrirá un centro de produción en Santiago e un proxecto de investigación traballa para aplicalos en tumores sólidos

Así era Castro Valente: a fotografía láser recrea a muralla da gran fortaleza medieval galega

Un estudo da USC usa as novas tecnoloxías para ampliar información sobre o xacemento de 10 hectáreas situado entre Padrón e A Estrada

O meteorito que brillou como cincuenta lúas cheas xa pode visitarse en Santiago

Tratouse dun asteroide de 1,15 metros de tamaño e 2,62 toneladas de masa que chocou contra a atmosfera a 15 Km/s