Os premios Prismas celebraron o seu trixésimo aniversario

A Casa do Concello da Coruña, en María Pita, acolleu o pasado sábado a entrega da 30ª edición dos premios Prismas, organizados polos Museos Científicos Coruñeses, que recoñecen o traballo de promoción e divulgación da cultura científica a nivel estatal. A entidade celebrou a efeméride cunha serie de actos que culminaron coa cerimonia de entrega dos galardóns.

Na trixésima convocatoria, a xurado valorou un total de 279 traballos, nas categorías de artigos xornalísticos, libros, vídeos, sitios web e redes sociais, traballos en radio e textos inéditos. O xurado estivo presidido polo catedrático de Medicina Legal da USC Ángel Carracedo, e composto tamén por expertos do xornalismo, a comunicación e diversas disciplinas científicas.

Publicidade

Este foi o cadro de honra de 2017:

– Mellor traballo en vídeo: ‘Qué animal! Parque natural das Fragas do Eume’, de Carme Nicolás, Manuel Muñoz e Pere Figuerola, emitido en La 2 de TVE.

– Mellor sitio web: ‘Ciencia de sofá’, presentado por Jordi Pereyra Marí.

– Mellor libro editado: ‘Todo é cuestión de química’, de Deborah García Bello, publicado pola Editorial Paidós.

– Mellor texto inédito: ‘Hai  unha muller no meu experimento! Unha viaxe coas grandes científicas da historia’, de Jorge Roberto Gutiérrez Bolívar

– Mellor artigo xornalístico: ‘Como deseñar ADN no garaxe’, de Michele Catanzaro, publicado no suplemento dominical de El Periódico de Catalunya

– Mellor traballo en radio: ‘O café cuántico 6: sobre primates, ratos e feromonas’, de Elena Denia, Antonio Sánchez e Héctor Vives, emitido en Burjassot Radio.

– Prisma Especial do Xurado: Jorge Mira Pérez.

Ademáis o xurado decidiu outorgar unha mención honorífica ao vídeo ‘Mareas vermellas’, de Manuel E. García e Jorge H. Urcera.

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

Un novo recurso didáctico creado na USC conecta o patrimonio musical galego co Camiño de Santiago

O material reúne dez arranxos de música do percorrido francés e propostas para traballar este repertorio das aulas de Primaria e Secundaria

A nova edición dos premios Zendal consolídase cun 11% máis de canditaturas procedentes de 14 países

As propostas, un total de 189, son de universidades, centros de investigación e hospitais de referencia internacional

Novembro para descubrir, rir e namorar da ciencia en galego

A UVigo conmemora o Día da Ciencia en Galego cun programa de actividades que durará todo o mes

Ciencia para todo

A divulgación científica rigorosa e de calidade é máis importante ca nunca. Por Laura Filloy