Queres durmir rodeado de tiburóns? Podes facelo no Aquarium da Coruña

Os Museos Científicos Coruñeses abren este luns os formularios de inscrición para as actividades infantís, e inclúe como novidade unha sesión para adultos

Serías quen de durmir unha noite mentres a só uns metros nadan tiburóns e moitos outros tipos de peixes? É a proposta que, como todos os anos, lanzan os Museos Científicos Coruñeses, e que terá lugar no Aquarium Finisterrae. O vindeiro luns 25 de novembro, a partir das 10 da mañá, ábrense os formularios de preinscrición para a actividade, xa que ás prazas son limitadas.

“Durmindo con tiburóns” desenvolverase durante as vacacións de Nadal, con sesións dirixidas a nenas e nenos de entre 7 e 11 anos os días 21, 22, 23, 26, 28, 29 e 30 de decembro de 2019, e o 2, 3 e 4 de xaneiro de 2020, entre as 20 horas e as 11 da mañá do día seguinte. Como novidade, nesta ocasión haberá unha xornada dirixida a maiores de 25 anos que terá lugar o 27 de decembro, desde as 21.30 horas ata as 11 do día 28.

Publicidade

Durante a actividade realizaranse diferentes obradoiros relacionados coa bioloxía dos tiburóns e finalizan durmindo rodeados de peixes na Sala Nautilus, espazo ambientado como o submarino do capitán Nemo de Jules Verne.

A actividade, organizada pola Asociación de Amigos da Casa das Ciencias, ten un prezo de 50 euros. Só se admitirán, segundo informan desde os Museos Científicos, as inscricións realizadas entre as 10 e as 12 horas deste vindeiro luns. Adiantan que só se contactará con aqueles que obteñan praza na actividade, o resto de solicitudes pasará a formar parte da lista de espera. Pódese apuntar a dous participantes por solicitude, aínda que hai un campo especial para cubrir no caso de familias numerosas para a sesión infantil.

Poderás acceder aos formularios a partir do luns 25 ás 10 nestas ligazóns:

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

GCiencia abre o ciclo de faladoiros "Os mundos científicos de Vigo"

Os relatorios darán comezo o luns no edificio Redeiras cunha charla introdutoria que leva por título 'A divulgación científica en Galicia'

Visita guiada no Aquarium polo Día Internacional da Diversidade Biolóxica

O persoal educador do centro coruñés guiará aos visitantes nunha experiencia que terá a biodiversidade mariña como tema principal

Entrada gratuíta no Día dos Museos para a Domus, Casa das Ciencias e Aquarium

Os tres recintos estarán abertos ao público xeral dende as 10 horas ata as 19 horas do sábado, cunha ampla oferta de actividades

Intelixencia artificial para detectar TDAH nas aulas e outros proxectos de Galiciencia 2024

A feira científica reúne un centenar de traballos de alumnado de Secundaria, Bacharelato, FP e Primaria de toda a comunidade