Serías quen de durmir unha noite mentres a só uns metros nadan tiburóns e moitos outros tipos de peixes? É a proposta que, como todos os anos, lanzan os Museos Científicos Coruñeses, e que terá lugar no Aquarium Finisterrae. O vindeiro luns 25 de novembro, a partir das 10 da mañá, ábrense os formularios de preinscrición para a actividade, xa que ás prazas son limitadas.
“Durmindo con tiburóns” desenvolverase durante as vacacións de Nadal, con sesións dirixidas a nenas e nenos de entre 7 e 11 anos os días 21, 22, 23, 26, 28, 29 e 30 de decembro de 2019, e o 2, 3 e 4 de xaneiro de 2020, entre as 20 horas e as 11 da mañá do día seguinte. Como novidade, nesta ocasión haberá unha xornada dirixida a maiores de 25 anos que terá lugar o 27 de decembro, desde as 21.30 horas ata as 11 do día 28.
Durante a actividade realizaranse diferentes obradoiros relacionados coa bioloxía dos tiburóns e finalizan durmindo rodeados de peixes na Sala Nautilus, espazo ambientado como o submarino do capitán Nemo de Jules Verne.
«Durmiendo con tiburones», en el Aquarium durante las vacaciones escolares de Navidad. Sesiones infantiles para niños y niñas de 7 a 11 años. También una sesión para mayores de 25 años.
Preinscripción online lunes 25 de noviembre.
Toda la info aquí 👇 https://t.co/u5qvcuh6qt
— Museos Científicos Coruñeses (=mc2) (@mc2coruna) November 22, 2019
A actividade, organizada pola Asociación de Amigos da Casa das Ciencias, ten un prezo de 50 euros. Só se admitirán, segundo informan desde os Museos Científicos, as inscricións realizadas entre as 10 e as 12 horas deste vindeiro luns. Adiantan que só se contactará con aqueles que obteñan praza na actividade, o resto de solicitudes pasará a formar parte da lista de espera. Pódese apuntar a dous participantes por solicitude, aínda que hai un campo especial para cubrir no caso de familias numerosas para a sesión infantil.
Poderás acceder aos formularios a partir do luns 25 ás 10 nestas ligazóns:
