Os Museos Científicos Coruñeses renovan a súa oferta de cine científico para o final de ano. A Domus proxecta xa a “Claqueta Científica“, a nova programación audiovisual do museo, cunha selección de tres curtametraxes cunha duración total de 18 minutos. Nos meses de novembro e decembro, en horario de 18 horas (luns a venres) e ás 12, 13, 17 e 18 (sábados domingos e festivos), os visitantes do museo poderán gozar de balde, co prezo da entrada, de tres curtas para achegarse ao coñecemento da ciencia e da natureza.
Este é un breve resumo dos filmes:
La maldición del cocodrilo de Ricla
Os investigadores explican o proceso realizado para describir o primeiro crocodilo mariño do Xurásico de España, un dos fósiles máis importantes e emblemáticos do Museo de Ciencias Naturales da Universidade de Zaragoza, e que se estudou e foi definido como unha nova especie para a ciencia recentemente.
«Divulgare: El peligro de las mascotas en las islas»
Hai aproximadamente 9.000 anos os gatos foron domesticados. Desde entón convertéronse en compañeiros inseparables de moitos humanos. Pero moitos destes gatos, unha vez chegan á súa nova contorna, comezan a competir polos recursos con outros organismos que non están preparados para defenderse dun predador tan eficiente. E se isto ocorre nunha illa, as consecuencias para os ecosistemas poden ser dramáticas. Producido polo grupio Divulgare, da Universidade de Vigo.
The danger of pets on islands from Divulgare on Vimeo.
«De mayor quiero ser científica: Ingeniera informática»
Curta que forma parte da serie “De maior quero ser científica”, de audiovisuais nos que nenas e científicas presentan perfís de profesionais biomédicas desde o próximo e cotián. Producido polo Instituto de Investigación Biomédica (INIBIC).
