Mércores 22 Maio 2024

Facendo caixas microscópicas

Como envolverías nun paquete algo microscópico? Facendo unha caixa microscópica. E non é fácil. Ten que ser unha estrutura dez millóns de veces máis pequena que un metro. Como coller un centímetro e dividilo por 100.000. Pero en Santiago hai equipos especializados en facelo. A prestixiosa revista Angewandte Chemie, que recoñece investigacións da máxima calidade no campo da química, leva á portada do seu último número un traballo realizado por persoal investigador do Grupo Nanobiomol da USC no que se describe un novo protocolo para obter diferentes tipos de nanoestruturas a partir dun único polímero helicoidal e certas sales metálicas.

Os polímeros helicoidais empregados son os poli(fenilacetileno)s, unhas macromoléculas que presentan como característica sobresaliente que o seu sentido de xiro helicoidal se pode axustar pola acción de diversos estímulos externos tales como temperatura, polaridade ou ións metálicos. En consecuencia, estes polímeros actúan como sensores.

Publicidade

O polímero pode encapsular sustancias microscópicas para transportalas

Co seu traballo, as investigacións do CIQUS incorporaron esta familia de polímeros ao campo das nanoestruturas. Os diferentes tipos de nanoestruturas (nanoesferas, nanotubos, nanotoroides) obtivéronse a partir dun único polímero helicoidal e catións de metais diversos. Estes últimos fixan conformacións específicas, actúan como axentes intercalantes e modulan o sentido helicoidal do polímero (xiro a dereitas ou a esquerdas). Como resultado, obtéñense nanoestruturas quirais con diferentes formas. No seu interior pódense encapsular diversas sustancias orgánicas e inorgánicas.

A investigación levárona a cabo o investigador Ramón y Cajal Felix Freire e a investigadora predoutoral Sandra Arias, membros do grupo de Emilio Quiñoá e Ricardo Riguera, tamén co autores do traballo.

O grupo Nanobiomol, pioneiro na síntese de novas nanoestruturas quirais seguindo novidosas formulacións través de métodos químicos en disolución, publicou outros resultados relacionados con este actual campo de investigación nas portadas de revistas científicas de prestixio como The Journal of the Chemical Society e Chemical Science (Royal Chemical Society). Actualmente o grupo segue traballando na xeración de novas nanoestruturas.

As nanoestruturas deseñadas polo grupo  Nanobiomol.
As nanoestruturas deseñadas polo grupo Nanobiomol.

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Unha nova técnica ideada no CiQUS: desenrolar hélices en polímeros por acción da luz

A revista "Angewandte Chemie" destaca o artigo, liderado por Francisco Rey Tarrío, polas súas achegas na determinación da estrutura de polímeros helicoidais

O CiQUS de Santiago describre un ‘Xogo de Tronos’ a escala molecular

Emilio Quiñoá e Félix Freire publican na revista Angewandte Chemie unha investigación con resonancias bélicas entre soldados e sarxentos moleculares

Catro investigadores galegos acadan 40.000 euros da Fundación BBVA

Diana Guallar, Olalla López Costas, Félix Freire e David Vilares poderán desenvolver durante os vindeiros meses os seus respectivos proxectos

Cientificos galegos describen en “Science” a obtención de ‘nanoparafusos’ metálicos

O investigador Luis Liz Marzán, do CIC biomaGUNE, lidera un traballo no que tamén forma parte a Universidade de Vigo e outros investigadores do país