Academia de Ciencias e GCiencia lanzan a revista ‘A Ciencia en Galicia’

A Real Academia Galega de Ciencias lanza, coa produción de GCiencia, a revista ‘A Ciencia en Galicia’, que inclúe unha serie de reportaxes sobre o cientifico galego do ano (Baltasar Merino, no 2017), artigos de destacados investigadores galegos e un Anuario que recolle as principais novas científicas do último ano e as mellores novas, entrevistas e reportaxes publicados por GCiencia.

‘A Ciencia en Galicia’ supón o número 36 da histórica revista da Real Academia Galega de Ciencias, aínda que enteiramente renovada, “co ánimo de converterse nun instrumento máis realista e adaptado ás necesidades dos novos tempos”.

Publicidade

Este auténtico anuario da ciencia en Galicia, preséntase este mércores 4 de outubro en Santiago de Compostela, no decurso do acto institucional do Día da Ciencia en Galicia. Ademais desta versión en papel, a revista está dispoñible na súa propia web: acienciaengalicia.gciencia.com Neste portal é posible tamén descargar a revista completa en formato pdf.

‘A Ciencia en Galicia 2017’ é unha publicación de 68 páxinas, producida polo equipo de GCiencia, e que se abre cunha serie de reportaxes especiais sobre Baltasar Merino, o protagonista do Día da Ciencia deste ano. A publicación inclúe 40 páxinas cun anuario que recolle as novas máis destacadas da ciencia en Galicia no 2017, cos mellores traballos publicados en GCiencia no último ano.

Aquí podes baixar a revista en pdf
A Ciencia en Galicia 2017

DEIXAR UNHA RESPOSTA

Please enter your comment!
Please enter your name here

Este sitio usa Akismet para reducir o spam. Aprende como se procesan os datos dos teus comentarios.

Relacionadas

GCiencia lanza sete pezas audiovisuais para divulgar sobre ciencia e igualdade

O proxecto, en colaboración co Concello de Pontevedra, difundirase a través de Instagram e Tiktok para poñer en valor mulleres científicas que loitaron contra os nesgos de xénero e raza

O Día da Ciencia en Galicia homenaxea a oceanógrafa Aida Fernández Ríos

No acto, organizado pola Real Academia Galega de Ciencias, entregáronse as Medallas de Investigación a cinco referentes galegos de diferentes áreas de coñecemento

CellCOM, Centum e TraffikGene gañan os X Premios GCiencia Galicia Spin-Off

Os galardóns, creados en 2015 para recoñecer a investigación universitaria e a transferencia, serán entregados o 4 de decembro no Pazo de San Roque de Santiago

BioSpain converte Bilbao no centro europeo do sector da biotecnoloxía

A feira, que conta cunha importante presenza galega, prevé bater o récord da última edición, que contou con 2.400 asistentes e máis de 1.000 entidades