O Centro de Innovación Aeroespacial liderará un proxecto europeo con Portugal

O padroado da Fundación Centro de Innovación Aeroespacial de Galicia botou hoxe a andar cunha reunión na que se acordou o nomeamento do reitor da Universidade de Vigo, Salustiano Mato, como presidente do organismo, do que Teresa Pedrosa, delegada do Consorcio da Zona Franca, será a vicepresidenta e o director xeral de Delta Vigo, Francisco Puga o secretario. Na xuntanza celebrada en Porto do Molle os responsables do padroado confirmaron a participación da Fundación no proxecto Pinaet, Polo de Innovación Aeroespacial Transfronteirizo, que se encadra dentro da convocatoria Interreg do programa de Cooperación Transfronteiriza España-Portugal, POCTEP. Co obxectivo de mellorar a excelencia científica e o desenvolvemento da I+D+i a través da colaboración interrexional transfronteiriza con axentes empresariais, a Fundación Centro de Innovación Aeroespacial dará soporte a entidades relacionadas co sector, mellorando a competitividade rexional e promovendo a creación e consolidación de empresas e empregos cualificados.

A Fundación, constituída hai menos dun mes, coa participación da Universidade de Vigo e Zona Franca, como patróns de carácter público e Airbus, o Consorcio Aeronaútico Gallego, Delta Vigo e a Unión de Empresas Gallegas de Aeronáutica, como patróns privados, será a encargada de xestionar o centro, que será o principal foco de innovación e desenvolvemento de todo o noroeste peninsular do sector aeroespacial. O centro, que contará cunha superficie de seu no edificio tecnolóxico de Porto do Molle, permitirá impulsar a colaboración público-privada abrindo a porta á colaboración na fabricación de produtos con tecnoloxía de vangarda a empresas procedentes doutros sectores.

Publicidade

DEIXAR UNHA RESPOSTA

Please enter your comment!
Please enter your name here

Este sitio emprega Akismet para reducir o spam. Aprende como se procesan os datos dos teus comentarios.

Relacionadas

Universidades de Galicia e Portugal queren lanzar titulacións conxuntas en 2021

As tres universidades galegas e as do Minho, Porto e Trás-os-Montes e Alto Douro reforzarán a cooperación con dous máster e dous programas de doutoramento

A UVigo capta 2,5 millóns europeos en 7 proxectos de investigación

SoildiverAgro, coordinado por Vigo, acadou case un millón de euros

A empresa aeronáutica Delta amplía por terceira vez as súas instalacións en Nigrán

O Consorcio da Zona Franca de Vigo asinou o acordo de venda de dúas novas parcelas no polígono de Porto do Molle

A empresa aeronáutica Delta Vigo amplia as súas instalacións en Nigrán

A Zona Franca asinou coa compañía o acordo de compra de dúas novas parcelas, no que será a maior planta de fabricación do grupo