Barrís de Jameson, marca de whiskey que financia o estudo en Lugo.
Barrís de Jameson, marca de whiskey que financia o estudo en Lugo.

Certificadas as barricas de carballo galego para o whiskey irlandés

O grupo de investigación GI-1720 Enerxía, Mecanización e Modelización Agroforestal (EnerMecaModel) da USC, con sede na Escola Politécnica Superior do Campus Terra da USC, e outros investigadores do Departamento de Enxeñaría Agroforestal da institución académica compostelá densenvolven en colaboración empresa irlandesa Irish Distillers Inc. un proxecto de investigación orientado á certificación forestal das partidas de madeira de carballo galego que emprega a firma irlandesa para a fabricación de barricas (botas) destinadas á maduración do whisky.

Vila, Díaz-Maroto e Conde, no centro da imaxe con representantes de Irish Distillers Inc., no campus lugués
Vila, Díaz-Maroto e Conde, no centro da imaxe con representantes de Irish Distillers Inc., no campus lugués

O proxecto, coordinado por Pablo Vila Lameiro e no que tamén participan o tamén profesor da Escola Politécnica Superior da USC Ignacio J. Díaz-Maroto, e a investigadora contratada Adriana Conde Fernández, que está a facer a súa tese de doutoramento vinculada esta investigación, está financiado pola empresa Irish Distillers Inc.. que é a propietaria da marca comercial e das adegas de whisky Jameson, ademais doutras moitas marcas coñecidas e con presenza no mercado. Asemade, tamén están implicados nesta actuación o serradoiro Maderbar, de Baralla, e a tonelería gaditana Antonio Páez Lobato, con sede en Jerez de la Frontera.

Logo de varios años de traballo, durante os que os investigadores do campus lugués avanzaron na valoración das propiedades da madeira das diferentes especies de carballo galego como materia prima para elaborar barricas (botas) destinadas á maduración do whiskey, e tralos excelentes resultados acadados, as dúas partes acordaron continuar a colaboración para coñecer a valoración que os seus clientes fan da Certificación Forestal como garante da correcta xestión medioambiental e, por outra banda, para avanzar na tramitación de certificados de madeira certificada para partidas de carballo galego, un labor non exento de complexidades por mor das singularidades derivadas do pequeno tamaño das carballeiras.

As destilerías irlandesas importarán a madeira certificada das carballeiras

O escenario de traballo e a actuación que están a desenvolver os investigadores do campus lugués xunto coa destilería irlandesa e as demais empresas implicadas, conta con recoñecemento, que non con financiamento da Administración autonómica, e ten garantida a súa continuidade durante outros tres anos, segundo puxo de manifesto a delegación de Irish Distillers durante a súa recente visita ao campus e á provincia de Lugo para supervisar sobre o terreo a evolución dos traballos que se están a realizar.

As vantaxes deste proxecto céntranse na incidencia e posta en valor da xestión forestal sustentable, un proceso que, segundo indicou Vila Lameiro, actúa como unha garantía engadida que permite aportar un valor complementario a un recurso natural do monte galego, ao tempo que constitúe unha marca de sustentabilidade e apoio ao desenvolvemento rural que outros usos non permiten.

O profesor e coordinador deste proxecto remarcou asemade a repercusión económica deste proxecto, ao que tamén se referiu como unha iniciativa que contribúe á xeración de coñecemento científico e á divulgación do Campus Terra da USC e das actividades de I+D+i que nel desenvolven en congresos internacionais (Bragança, Roma, Plasencia…), así como a través da publicación de comunicacións e artigos en revistas científicas de impacto.

1 comentario

  1. Na década dos anos 50 os veciños de Piornedo venderon os rebolos centenarios do Val da Freita a unha empresa para fabricar barricas para madurar o viño de Xerez e logo nas mesmas o whisty Macallan. A madeira baixábana do monte en machos serrada en “cuartones” (toros fendidos en catro partes). Con parte do importe da venda construíron a escola, convertida agora en local social. (Información facilitada polos veciños, que recollo no me libro PIORNEDO. UNHA COMUNIDADE DA ALTA MONTÑA DOS ANCARES, 2015, p. 62).

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.