Comeza en Compostela o congreso de astronomía “Camiño das estrelas”

.
.

O Centro de Estudos Avanzados da USC acollerá a vindeira semana, entre o luns 18 e o venres 22, o congreso internacional ‘ Camiño das estrelas, un foro científico promovido conxuntamente polo Departamento de Historia I da USC, o Instituto de Ciencias do Patrimonio do Consello Superior de Investigacións Científicas (CSIC) e o Instituto de Astrofísica de Canarias (IAC).

Este congreso internacional, que se celebra por vez primeira en Galicia favorecerá o debate sobre a visión do ceo nas distintas culturas e sociedades, desde a Prehistoria ata a actualidade. Está prevista a participación dun centenar de investigadores/as sobre astronomía na cultura procedentes de 32 países de Europa, América, África, Asia e Oceanía.

O evento desenvolverá as súas sesión a través de conferencias, comunicacións orais e pósters e contempla tamén un programa lúdico aberto á participación do público en xeral. De xeito parello á celebración deste congreso, Santiago de Compostela tamén acollerá estes días a reunión anual das tres principais organización de astronomía na cultura do mundo: ISAAC, SEAC e INSAP. No capítulo das conferencias convidadas intervirán, entre outros, Juan Antonio Belmonte (IAC), Clive Ruggles, da Universidade de Leicester; e Giulio Magli (Politécnico de Milán); aos que hai que engadir preto de 120 comunicacións orais e pósteres sobre resultados de investigacións de temáticas que van dende a astronomía megalítica á influencia do ceo na arte contemporánea, pasando por Exipto, Mesopotamia, a cultura inca, a illa de Pascua ou o ceo arredor da Catedral de Santiago.

DEIXAR UNHA RESPOSTA

Please enter your comment!
POLÍTICA DE COMENTARIOS:

GCiencia non publicará comentarios ofensivos, que non sexan respectuosos ou que conteñan expresións discriminatorias, difamatorias ou contrarias á lexislación vixente.

GCiencia no publicará comentarios ofensivos, que no sean respetuosos o que contentan expresiones discriminatorias, difamatorias o contrarias a la ley existente.

Please enter your name here

Este sitio emprega Akismet para reducir o spam. Aprende como se procesan os datos dos teus comentarios.