Explicación: ás veces, o ceo parece sorrirlle ben á Terra. Neste día de 2008, visiblesobre o planeta, había unha pouco habitual superposición da nosa Lúa e os planetas Venus e Xúpiter. As imaxes tiradas no intre correcto amosan un cuarto crecente que semella ser un sorriso ao emparellarse coa conxunción planetaria dos aparentemente achegados Xúupiter e Venus. Nesta fotografía está a escena que aparecía desde o observatorio do Monte Wilson mirando desde arriba Los Ángeles, California (EUA) tralo solpor do 30 de novembro de 2008. No máis alto do ceo e máis afastado está o planeta Xúpiter. Moito máis preto e visible por baixo e á esquerda de Xúpiter está Venus, aparecendo ao través das nubes atmosféricas da Terra nun azul estraño. No extremo dereito, sobre o horizonte, está a nosa Lúa nunha fase crecente. As nubes finas alumeadas pola Lúa semellan estrañamente laranxas. Na parte inferior da imaxe espállanse os outeiros de Los Ángeles, moitos cubertos por unha tenue brétema, mentres que os rañaceos de LA poden ollarse no extremo esquerdo. Horas despois de tomar esta imaxe a Lúa achegouse ao afastado dúo, eclipsou brevemente a Venus, e despois seguiu movéndose. Esta semana está a ocorrer outra conxunción de Venus e Xúpiter e pode ollarse desde gran parte do planeta Terra cara o leste xusto antes do mencer.
GCiencia realiza unha reserva expresa das reproducións e usos das obras e outras prestacións accesibles desde este sitio web a medios de lectura mecánica ou outros medios que resulten adecuados a tal fin de conformidade co artigo 67.3 da Real Decreto - lei 24/2021, do 2 de novembro // Auditado por GFK
