Explicación: esta enorme masa xiratoria de estrelas, gas e po ocorre preto do centro dunha galaxia espiral achegada. A espectacular espiral NGC 3521 está a tan só 35 millóns de anos luz de distancia, cara a constelación Leo. A súa rexión central, que abarca uns 50.000 anos luz, amósase nesta imaxe espectacular, construída a partires de datos do Telescopio Espacial Hubble. Esta imaxe en primeiro plano salienta características múltiples da galaxia, os seus brazos espirais irregulares, moteados e amalloados con poe cúmulos de estrelas azuis e novas. En contraste, moitas espirais grandes amosan brazos espirais moi amplos. NGC 3521, unha galaxia relativamente brillante no ceo do planeta Terra, pode ollarse con telescopios pequenos, pero a miúdo omitida polos fotógrafos afeccionados en favor doutras galaxias espirais de Leo, coma M65 e M66.
No centro da galaxia espiral NGC 3521
