Explicación: o que fose que bateu en Mimas case o destrúe. O que fica é un dos meirandes cráteres de impacto sobre unha das lúas máis pequerrechas de Saturno. O cráter, denominado Herschel polo descubridor de Mimas en 1789, Sir William Herschel, abarca uns 130 quilómetros e aparece fotografado arriba. A baixa masa de Mimas produce unha gravidade supercial xusto abonda para crear un corpo esférico pero feble de máis para permitir eses rasgos superficiais relativamente grandes. Mimas está formada maioritariamente de xeo de auga cun pouco de rocha; por iso descrébese con precisión coma unha grande bola de neve sucia. A imaxe superior tirouse durante o sobrevoo de agosto de 2005 pola nave espacial automática Cassini, agora en órbita ao redor de Saturno. Unha análise recente do estraño abalo de Mimas indica que podería albergar un océano interior de auga líquida.
