Explicación: a tres milleiros de anos luz de distancia, unha estrela moribunda expulsa capas de gas brillante. Esta imaxe do Telescopio Espacial Hubble desvela á nebulosa Ollo de Gato coma unha das máis complexas nebulosas planetarias coñecidas. De feito, as características olladas no Ollo de Gato son tan complexas que os astrónomos sospeitan que o obxecto central brillante pode ser realmente un sistema estelar binario. O termo nebulosa planetaria, empregado para describir esta clase xeral de obxectos, resulta confuso. Aínda que estes obxectos poden parecer redondos e semellantes a planetas con telescopios pequenos, as imaxes de alta resolución as desvelan coma estrelas arrodeadas por casulos de gas inchados nos últimos estadios de evolución estelar.